Mae ymchwilwyr o PDC yn rhan o dîm sy'n gweithio ar brosiect i ddeall sut mae plant a phobl ifanc yn rhyngweithio â'u hamgylcheddau naturiol ac adeiledig.

Gofynnir i blant rhwng 12 ac 16 oed, a'u rhieni neu ofalwyr, gymryd rhan ym mhrosiect INHABIT, a dyfodd o Grwsibl Cymru y llynedd. 

Gofynnir i gyfranogwyr lenwi holiadur ynghylch teithio llesol. Bydd y data’n arwain at brosiect mwy ar deithio llesol gyda thri maes ffocws - buddion iechyd, effaith amgylcheddol, a hygyrchedd.

Mae'r tîm yn cynnwys Dr Tracie McKinney o PDC, ac academyddion o Brifysgolion Caerdydd, Bangor, Abertawe, Aberystwyth, a Metropolitan Caerdydd.

• Mae'r holiadur ar gael yma:  Holiadur Pobl Ifanc INHABIT
  
  
• Os ydych chi'n riant neu'n ofalwr i rywun 12-16 oed sy'n byw yng Nghymru, gallwch hefyd wahodd eich plentyn i gwblhau fersiwn person ifanc yr holiadur drwy glicio yma.